古島

Open Now

Now Closed

慈雲山呢排開咗間台式飲品鋪，見到都幾多人排隊買野飲，就同朋友外賣兩杯飲品同埋一份芋圓試下。1.黑糖小芋圓桂花烏龍鮮奶茶平時黑糖都係配珍珠，第一次見黑糖配小芋圓，呢杯野所有野都平衡得好好，桂花味又無比黑糖味蓋過，小芋圓都好煙韌。2.芝士奶蓋Oreo碎朱古力個日去咁岩無哂Oreo碎，轉咗阿華田碎，佢個芝士奶蓋都好厚同重芝士味，加埋朱古力一齊飲會無咁濟。3.古島仙草手工芋圓三色芋圓同小芋圓口感煙韌，三色芋圓嘅味道比小芋圓濃，我比較鐘意食三色芋圓；仙嘅份量都好多，好滑順，岩哂夏天消暑食；蜜紅豆都做到粒粒分明，鬆軟得黎又唔怕好淋，同仙草好夾。