三木日本料理 (Closed)

上到嚟，發現門口有「點心紙」俾大家參考。因為我兩個人去，所以叫嘅刺身唔多，絶大部份都好新鮮！帶子、赤貝、甜蝦、油甘魚！因為我好鍾意食甜蝦(甚至食埋個頭)，所以對蝦刺身的要求都唔低，呢度嘅甜蝦能夠滿足到我嘅要求呢！想讚下個天婦羅，因為上枱時係熱辣辣～個蝦唔會係「梅」果啲～特別嘅係呢度有多春魚天婦羅，以往食放題未試過～亦好好味！另外，呢度啲飲品也算特別和多元。除左汽水，有果汁，我就選擇韓國造嘅檸檬茶～幾好飲！推介牛柳粒！好淋～青口也不錯！我地仲點左炒蜆～辣花螺～燒物～呢度嘅花之戀係冇飯架～啱哂唔會喺放題食飯嘅我XD總括來說，三木放題值得一試！