碗碗香 (Closed)

今日返工係開附近，咁岩又有時間，留意左好耐，終於可以來一嚐呢度既貴州牛肉粉。位置比較隔涉，搵左一陣，終於比我搵到😄舖位唔算大，但乾淨企理，又有點特色。入到去坐左門口位附近，叫左個紅油牛肉粉。失禮講句，睇唔出店員咁好禮貌，直覺上叔叔好似比較粗獷😂都幾多選擇，仲有甜品食既呢度，讚一讚覺得menu幾細心，有寫明有咩配料可走亦可加，清晰唔洗估估下👍🏻好快就來到，幾大碗下，牛肉貌似五香肉丁，但食落夠淋唔痴牙有牛香，連帶一d牛筋位，都好夠淋香，加上牛肉量多。伴住有d酸菜，睇得出係自己餣，味道剛剛好。我叫左中辣，個人覺得辣度適中，食到辣又有本身湯既味。而貴州粉有d似粗身d既米線，爽滑但又食落有d上海麵既感覺，幾得意。同時間見到其他客人叫口水雞，其實都好想試，但一個人食唔到咁多，還是下次再試啦～另帶一提，再讚店員叔叔，因為係燙門，張枱都幾貼門口，叔叔每次開門都會好小心睇下會唔會整到人，而且每位客人點菜佢都好好聲氣。聽到有位客人話想要紙巾（見到收銀位放左sample出黎有寫$3/包），好多時正常都會直接講3蚊啦。見到叔叔回應係：一包$3有無問題？ 待客人回應ok後先幫客人落埋單。個人感覺幾有heart❤️