龍門棧 (Closed)

今日嚟到灣仔龍門棧飲茶，一入嚟就覺得呢度好有氣派， 環境好靚 ，金碧輝煌， 揀咗一張靠窗嘅位就可以望曬整間酒樓嘅格局！餐牌上嘅logo 都係金光閃閃嘅！好多唔同嘅點心， 好多都好特別 ，喺其他酒樓見唔到嘅！點咗個荔枝紅茶 ，芬香撲鼻 ，唔會太濃 適合朝頭早飲。頭盤小食 ，係合桃。韮王鮮蝦腸（四件） 我每一次去酒樓食點心都必定會點腸粉 有六件 ，每件都包住一隻鮮蝦 ，勁大隻，腸粉勁滑， 口感極佳 ！淋上甜豉油，滋味啱啱好！ 泰國鮮露筍蝦餃皇三件 蝦餃晶瑩剔透， 食落去覺得佢入面唔止一隻大蝦 ，啖啖都係蝦肉， 鮮味至極！ 皮薄餡靚！日本鰻魚香煎粢飯 三件呢一個好特別 ，其他酒樓都冇嘅 ，係一個煎得好香嘅粢飯 ，再配上一個厚厚嘅鰻魚 ，淨係鋪設已經好吸引！ 再食埋落去 ，簡直係滋味無窮呀！ 百花蒜香海膽春捲四件 呢個蒜香海膽春捲係我嘅至愛 ！因為海膽同春捲 ，冇諗過味道會咁夾！ 原本以為海膽嘅份量應該會好少， 點知佢嘅份量都好充足，配埋個春捲份量啱啱好！春捲係炸物，所以佢就配上咗少少嘅沙律醬，酸酸地， 但係佢唔係就咁吱一pat沙律醬喺旁邊， 而係好有創意，好有美感咁劃過一條長長嘅沙律醬同配上