百變蛋君 (Closed)

三天前，食飽晚飯後，男朋友介紹一間位於銅鑼灣嘅雞蛋仔。相信雞蛋仔係大家香港人嘅集體回憶，應該冇一個喺土生土長嘅香港人會質疑。 我哋今次所叫嘅係蘋果批雞蛋仔。味道方面，蘋果批味好出, 食到真正嘅蘋果味，食落有一粒一粒嘅蘋果果蓉。味道好濃厚，唔係hea你。想值得一讚係個雞蛋仔外殻脆皮，好有口感，慢慢食，會喺個口同蘋果果蓉溶化。同埋口感好有咬口！依一點並唔係間間都做到！好有驚喜！再想講一講個包裝，佢地唔係用普通牛油紙袋包住。以前我地細細個，屋企人買俾我地食雞蛋仔都係用黃色牛油袋包住雞蛋仔，好有回憶。但係依家咩野都講衞生，再用牛油紙袋包住有兩個缺點，一: 需要淘手一粒一粒拎出黎食。唔太衞生！二: 放得耐會容易出水氣，影響食物嘅質感。依一間鋪頭所用嘅係一個硬紙盒，令食客非常”eating friendly”! 同埋我地可以完全不需要用手接觸雞蛋仔，直接用口咬！等待食物嘅時間可以接受，店員都好有禮貌！但有一點需要改善嘅係，店員收完錢就直接去整雞蛋仔，無錯佢係冇接觸到食物，但依家咩都講衞生，喺處理食物前先消毒或戴上手套再處理食物，食客食得開心又放心!!!!!