重慶洪鼎火鍋 (Closed)

阿sir請食飯，梗係要搵間似樣啲嘅地方，食餐好嘅!收工成班同事約好去呢間 “洪鼎火鍋”， 好彩我哋有訂枱，因為閒日時間都好多客人捧場，遲咗就要等枱了!我們點了盛肉拼盤，賣相很精緻，有美國安格斯小牛排，安格斯牛板腱，紐西蘭羊肉片，西班牙黑毛豬。黑毛豬堆砌成一朵花一樣，而且顏色微微粉紅，真係十分之吸精!我最喜歡就係安格斯小牛排同埋牛板腱，顏色鮮豔，肉紋分明，入口肉汁豐富，充滿牛肉嘅味道。黑毛豬肉入口又是另一個味道，黑毛豬真係十分嫩滑同普通豬肉好大分別。紐西蘭羊肉，完全沒有騷味嘅感覺，反而更加突出微微嘅羊肉味。鴨血及黑牛柏葉都係必點嘅火鍋配料，喜歡食辣嘅我，呢度有齊自助嘅唔同配料，新鮮嘅紫天椒豉油配合傳統嘅重慶四寶真係絕佳配搭!青菜拼盤，有白菜仔，娃娃菜同埋唐生菜，顏色都很翠綠，清洗得亦算乾淨。海鮮拼盤有大蝦，鮑魚，貴妃蚌，石蚌魚， 材料十分新鮮，尤其是鮑魚真係好厚肉，必食推介!