樂天大喜屋 (Closed)

樂天大喜屋點解咁多分店真係有佢嘅道理首先食物種類超級多，刺身壽司熱食串燒小菜湯品粥品甜品炸物等等，包羅萬有😂魚生食過咁多次，佢都係一樣保持新鮮嘅水準，食放題第一樣嘢。魚生一定要新鮮鮮甜，我會俾個剔佢✅ 其次壽司來講，佢嘅份量都好合理，唔會好似其他放題咁樣舊飯好大舊，然後配料少，整體來講佢係偏細件嘅壽司，所以你可以試到好多款唔會咁快飽肚手卷類別，比較抵食嘅，當然係海膽同埋吞拿魚手卷啦同樣都係一口嘅份量，食多幾個都唔怕飽～另外，佢哋嘅上菜速度極之快，所以大家真係要食完一輪先至好再點😂如果唔係就好似我咁下下都放到成枱都係食物，幾乎食都食唔切