CheckCheckCin 米水茶飲 (Closed)

今日site visit後好口渴，咁岩係yoho,順便去試呢間check check sin,見到佢分門別類左幾項比較養生既飲料，未飲已經加曬分，因為覺得有心思！樣樣都想試，我唯有問個女仔staff，佢個人中意飲邊d,佢介紹左有咬口既蘋果雪梨菊花茶同埋紫薯燕麥米水。因為我係正個幾日唔舒服，唔敢叫凍飲，就叫左熱既紫薯燕麥米水黎試，同事則叫左茉莉檸檬茶。職員態度都唔錯，會耐心回答，終於等到我杯紫薯燕麥米水，我原本好驚勁熱，要等佢常溫返，點知原來係暖暖地，可以即時享用，又係一個加分位！最重要係唔甜！飲落好順口，仲有薏米粒粒咬，份量仲要唔少，足料！最重要係環境都唔錯，座位仲有插頭俾大家叉電，完全係我會再encore既飲品店！