一日三餐 (Closed)

「黃店一定唔好食」呢個定律可以俾一日三餐打破，好食！值得排隊支持！下午2點半左右，下午茶時段舖頭外面有2-3個人排隊，等咗10分鐘左右。入店要乖乖填紙仔，為咗唔好令黃店難做，記得要填返全名及兩面紙仔都要填晒啊。下午茶餐福建炒飯配凍檸茶少甜（$48）首先讚吓個檸檬茶，小甜控制得非常好，而且茶味好出好香濃，但又唔會有苦澀味。檸檬新鮮清香，成杯檸檬茶都好清新。福建炒飯係預期中下午茶分量，我唔算好大份剛剛好。福建炒飯個精粹係汁底，呢到嘅汁底分量剛剛好，唔會太多浸到個飯淋晒，亦唔會太少唔夠撈飯。配料都好多，中Size嘅蝦仁都有2隻，大量嘅元貝仔，仲有好多菇類同翠肉瓜。蝦仁勁爽口，入口索索聲。埋單$48，又飽又滿足。