我本身最怕要排隊，今晚落雨，又未到繁忙時間，經過女人街附近，就諗住博吓有冇得食。
好彩去到仲有位，我哋被安排坐喺卡位嘅一邊，因為繁忙時間需要搭枱。
來到這一定要食生煎包，但我哋又想食得豐富啲，就點了一個麻醬手撕雞絲粉皮配2隻生煎包套餐，佢仲有一杯豆漿送
另外再點咗兩隻蟹皇生煎包, 肉汁變成蟹皇，入口熱度剛好，鮮味更加濃厚，值得加點一吃。
個普通生煎包摺面煎到脆卜卜，裹面的湯汁滾熱辣，如果就咁咬落去，會俾滿晒嘅湯汁焫親。
甜點豆沙窩餅餅片脆但豆沙餡比較少，這個價錢也差不多了。
麻漿手撕雞絲粉皮比想像中大份，麻漿很香濃，雞絲份量多，粉皮是爽口卷起的，是非常適合夏天的食品。
另外點了生炸雞扒蔥油拌麵，雞扒厚肉有肉汁，外脆內嫩。蔥油拌麵香口，不知不覺已經吃完。
反而上海排骨湯麵的排骨比較乾，湯麵有蛋𢇁菜遠及炸蔥，很吸睛但湯底略淡。
見到寫有「生煎包無爆汁，可免費更換」老闆對出品好有自信呢！
