岩石牛扒屋 (Closed)

02.07.2021岩石牛扒屋今日有家人生日，專登上Open Rice訂定「岩石牛扒屋」，之前跟同事試過午餐，因為無試石板燒，今次來食晚餐，就為了美味嘅石板燒。因為時間尚早，只得我哋一枱，即使後期有幾枱食客入座，大家都好清靜傾談，好享受舒適。雖然店舖少少，但佈置有特式，大家可自行欣賞。呢間石板燒，有全日供應嘅東京石板燒套餐，包括牛肩胛肉、醬油牛里脊、牛舌心肉、羊西冷肉。本身有白飯、飲品；加$10有沙律、餐湯或薯角。除咗呢幾款套餐，仲有岩石套餐，都係牛扒、牛柳、牛肩胛、羊架、羊西冷同黑豚肉；仲有其他小食，例如帶子、蝦剌身，若要食生蠔，要預早訂。我哋最後揀咗一人一份牛肩胛肉，肉質鮮嫰美味，另加一份羊西冷肉，也不錯；薯角熱辣辣卜卜脆，好好味。沙律也不錯，食肉加啲沙律係健康之選。餐湯係粟米湯，creamy，無乜特別。最好笑係我哋連墊底椰菜都唔放過，只要加少少燒肉醬，都可以燒得好好味！家人叫咗麒麟生啤，好啱口味，而且佢哋話呢款日本生啤，唔係度度有得飲，所以第日會嚟再飲。起初得一個老闆娘招呼，雖然好忙碌，但招呼週到，之後連老闆都出現，原來用Open Rice book枱，店舖要俾credit，唔講