Outback Steakhouse (Moved) New Location

6點幾去到walk in，都唔算等左好耐，大概半個鐘。因為好多人，廚房同waiter都做唔切，催左好多次waiter終於送上面包同湯，個包好好食，外脆內軟，加上少少微熱。滋味三色拼盤拼盤有炸雞搥，豬肋骨同埋芝士薯條。豬肋骨嘅肉好淋而且吸收左醬汁嘅味，好脆嘅薯條配合芝士，味道幾特別。呢碟拼盤都算掋食又好味。安格斯肉眼牛扒肉質唔算太硬，有少少淋，肉汁豐富，配合埋用磨菇製成嘅磨菇汁，兩樣夾埋一齊味道多層次而且鮮甜 。雲呢拿雪糕朱古力軟餅冰凍嘅雪糕加上入面有Oreo朱古力蛋糕，味道適中，簡直係完美嘅配搭。