龍門冰室 (Closed)

以前都想支持下黎食過佢地既常餐，雖然一直都聽說佢地食物質素麻麻，常餐又異常地唔錯，抵食加好大份！果個芝士玉子燒好正！今次見唔洗排隊就再試下晚餐咩料子，意粉聞落去不錯，似青醬味，食落去係如水一般清淡，岩哂熱愛健康，係一個冇鹽冇糖低醬料既意粉！值得讚既係個蝦好爽口！朋友食蕃茄焗豬扒飯，味道唔錯，偏甜，正正常常啦！都有水準，個扒唔硬既，份量都好夠！ 羅宋湯幾岩我胃口，個蕃茄味比較足，酸酸地好開胃！價錢我記得唔貴，位有啲逼，希望膳食味道會有進一步既改變！