Video
Read full review
2020-03-03
1876 views
先生成日同我提住荃灣有間米芝蓮車仔麵，一直都想去試下，次次都齋噏，今日趁住行完街，總於可以會一會佢。鋪頭就喺正千色店側門，一行出門就可以見到大大個紅色招牌。門口仲有大大個易拉架，原來已經連續四年獲選為米芝蓮推介街頭小食，相當把炮，經常出入荃灣區嘅我哋，居然第一次食。鋪頭嘅叫餐形式好特別，一般車仔麵店通常喺收銀先點餐付費或者坐低慢慢喺點餐紙圈低食物再落單，呢到係需要食客行埋廚窗直接講出想食啲咩，然後即時製作並收錢，好處係可以望下有咩食同食物嘅質素再落單，而且睇得出食物排佈得井井有條，感覺衛生；但缺點係唔太方便，而且食客對住廚窗落單，難免口水花四濺，變相影響衛生。我揀咗牛腩、豬皮同蘿蔔，配搭小辣湯底同米粉，湯底味道唔錯，配上辣汁令味道更鮮濃，辣道亦適中。牛腩細細粒，雖然份量唔算多，但炆得夠軟腍，而且相當入味，非常推介！豬皮質素亦唔錯，處理得好好，冇一般食到嘅腥臊味，反而吸收哂湯底嘅精華。先生嘅口味同我大同小異，有牛腩、蘿蔔同豬紅，豬紅同樣入味，而且口感嫩滑。食完之後大抵明白點解佢可以得到米芝蓮推介，食材新鮮入味，湯底鮮濃，而且價錢非常合理，絕對有資格成為荃灣街坊嘅平民飯堂。大概香港人要求高
鋪頭就喺正千色店側門，一行出門就可以見到大大個紅色招牌。
門口仲有大大個易拉架，原來已經連續四年獲選為米芝蓮推介街頭小食，相當把炮，經常出入荃灣區嘅我哋，居然第一次食。
鋪頭嘅叫餐形式好特別，一般車仔麵店通常喺收銀先點餐付費或者坐低慢慢喺點餐紙圈低食物再落單，呢到係需要食客行埋廚窗直接講出想食啲咩，然後即時製作並收錢，好處係可以望下有咩食同食物嘅質素再落單，而且睇得出食物排佈得井井有條，感覺衛生；但缺點係唔太方便，而且食客對住廚窗落單，難免口水花四濺，變相影響衛生。
三餸車仔麵(牛腩 豬皮 蘿蔔)
$38
108 views
0 likes
0 comments
我揀咗牛腩、豬皮同蘿蔔，配搭小辣湯底同米粉，湯底味道唔錯，配上辣汁令味道更鮮濃，辣道亦適中。
三餸車仔麵(牛腩 豬皮 蘿蔔)
$38
87 views
0 likes
0 comments
牛腩細細粒，雖然份量唔算多，但炆得夠軟腍，而且相當入味，非常推介！
三餸車仔麵(牛腩 豬皮 蘿蔔)
$38
74 views
0 likes
0 comments
豬皮質素亦唔錯，處理得好好，冇一般食到嘅腥臊味，反而吸收哂湯底嘅精華。
三餸車仔麵(牛腩 豬紅 蘿蔔)
$38
72 views
0 likes
0 comments
食完之後大抵明白點解佢可以得到米芝蓮推介，食材新鮮入味，湯底鮮濃，而且價錢非常合理，絕對有資格成為荃灣街坊嘅平民飯堂。大概香港人要求高，我認為車仔麵就應該以車仔麵嘅準則去判斷，畢竟佢只係一間小麵店，假如因為佢曾經得到過米芝蓮認可，就以五星酒店嘅準則去判斷佢，亦未免太唔公平。
Post
