咖啡綠茶 (Closed)

因為MINO杯套應援而黎，下午茶時段人小小，夠清靜，食得舒服。同之前上黎裝修有啲唔同左，多左啲打卡位同雲石花紋既枱墊，不過就係膠既，可能用耐左，張野有啲癡手，我個人黎講就不太接受到🙈今次點左3.7牛乳湯拉麵($72)，牛奶味好濃，但唔會覺得好漏，麵身夠爽滑，個溏心蛋都整得好好食😍不過塊叉燒我嫌煮得太老，食落有啲「鞋」，但整體黎講味道唔錯，次次食過返尋味，算係咖啡綠茶既必食菜式之一。至於野飲我就揀左熱鮮奶焙茶($42)，算係呢度既特色飲品之一，茶味濃厚，味道有小小苦，但鮮奶既香味中和左苦味，所以易入口左，有啲似咖啡但又唔係咖啡，都幾特別，黎親都係飲距。