蔵鳶居酒屋

Open Now

Now Closed

一直唔知尖沙咀有間咁有氣氛的居酒屋，朋友一早book好位，但成晚都冇乜人，可能係平日的晚上，客真係幾少...大約兩成滿。裝飾都幾有氣氛，但餐廳成晚keep住播英文歌，有啲搞笑。火灸三文魚卷好好食，裡面有玉子同蟹柳，三文魚味道唔錯，幾新鮮。食最基本的炒野菜，炒得幾好食喎，落左味醂黎炒，更突顯野菜的甜味，簡簡單單都幾好食。炸軟殼蟹就唔係好夠脆，但味道都可以，點埋沙律醬好正。可能成日餐廳太少客人，店員每5分鐘就行過黎裝我地張枱，睇下有冇需要加茶，服務係貼心但巡得有點密，好似受到監視咁。