Video
Read full review
2023-05-26
40 views
自從疫情，d舖頭9點零就收，有時都真係諗唔番疫情前既正常營業時間係點，夜晚約人夜d食飯都好難諗到邊度可以坐得晏d唔怕俾人趕走，開心大發現將軍澳寶琳有間形格bar，通宵營業，朋友同我住開個頭，坐到幾晏都唔怕冇車返屋企。最正係食串燒，好啱傾偈，一路傾一路食，串燒唔貴性價比高。地點非常方便，係寶琳地鐵一出2分鐘都唔使就到，餐廳木系日式裝修，樓底非常高，餐廳有電視、 鏢機 、桌球枱，bar有嘅嘢佢都有，但不會有bar個種嘈到傾唔到計既情調，btw 仲有埋Wi-Fi，晏晝都可以帶部電腦來做工課。座位非常舒服，四方形沙發坐，隔得好開，一班人可以自成一閣，播住音樂，但唔會覺得好嘈，可以好舒服咁傾偈嘅地方。職員服務非常之好，一嚟到會首先俾杯水，落單嘅時候會Double check，非常細心。另外如果想玩桌球嘅可以排隊等，無需收費，飛鏢就$5一個人，有15局。Cocktail-Cuba libre 、Long Island 去到酒吧都一定要嗌返兩杯Cocktail先，唔飲酒嘅可嗌mocktail。餐廳酒種類非常之多，紅酒白酒Whisky,rum,gin,vodka,日本酒都有，如果一大班人開返一支都不錯
地點非常方便，係寶琳地鐵一出2分鐘都唔使就到，餐廳木系日式裝修，樓底非常高，餐廳有電視、 鏢機 、桌球枱，bar有嘅嘢佢都有，但不會有bar個種嘈到傾唔到計既情調，btw 仲有埋Wi-Fi，晏晝都可以帶部電腦來做工課。
座位非常舒服，四方形沙發坐，隔得好開，一班人可以自成一閣，播住音樂，但唔會覺得好嘈，可以好舒服咁傾偈嘅地方。
職員服務非常之好，一嚟到會首先俾杯水，落單嘅時候會Double check，非常細心。另外如果想玩桌球嘅可以排隊等，無需收費，飛鏢就$5一個人，有15局。
Cocktail-Cuba libre 、Long Island
去到酒吧都一定要嗌返兩杯Cocktail先，唔飲酒嘅可嗌mocktail。餐廳酒種類非常之多，紅酒白酒Whisky,rum,gin,vodka,日本酒都有，如果一大班人開返一支都不錯。Cocktail種類非常齊全，Menu非常容易睇，種類分別清晰，仲有細字例番每種酒既成份，一定有野啱。
餐廳即叫即做，對住個open kitchen可以清楚望到廚師細心處理，主要食串燒，$20 -$50有一串，即叫即燒，上菜時仲係熱嘅，附近應該冇乜餐廳做到。
魚翅乾
送酒一流，味道有層次，又好𡁻，傾偈食住飲住一流。
芝麻雞翼
新鮮炸起嘅芝麻雞翼，有三隻㗎，非常香脆，雞翼醃得入味
蟹籽沙律
青瓜乾身，底層有沙律菜，份量非常多，沙律新鮮
奶黃鯛魚燒
超級好食嘅甜品，外脆內軟，奶黃唔會好甜，味道剛剛好
豚肉炒烏冬
幼細嘅烏冬，調味又層次之餘非常入味，份量多，仲好細心會跟返人數比相應嘅碗share，好食。
好正既串燒 bar，仲有波睇，一次過滿足晒食玩睇，已經book mark左，一定會一齊朋友再嚟盡興番晚
Post
