鳳凰茶苑 (Closed)

其實一直都好鍾意飲茶，雖然香港唔係好多呢啲咁嘅特色茶館可以慢慢嘆茶，但係平時我都有一個飲茶嘅興趣尖沙咀呢一間茶舍係上樓嘅，上到去茶館嘅風格充滿懷舊茶館嘅風味，裝修以深色木系為主，而且擺放住好多唔同嘅茶具，感覺悠閒因為之前都嚟過，所以店員亦都唔會再作詳細解釋。其實第一次嚟店員會諮詢問你有冇品開茗，或者對茶有研究，如果想佢詳細解釋店員都會逐一為你簡介點樣去泡茶，同埋介紹唔同嘅茶種畀你。我哋就都係叫咗二人餐$148，之前試過佢最出名嘅大紅袍，覺得好好飲，今次就試下玉桂（ 雅級）及鳳凰紅（ 優選級）二人餐最好嘅地方係配埋茶食，可以一路品茗，一路品嚐小食非常悠閒。店員會送上你所選嘅茶款茶葉放置好，之後就提供茶具畀你慢慢沖泡呢度d茶真係特別香，唔同平時酒樓嗰d， 每次飲都最少飲一個鐘，非常寫意