Video
Read full review
2022-04-27
37 views
放假去馬鞍山探朋友，之後一齊落咗嚟迎海薈食晏。友人提議試下商場 2 樓呢間「CHOWTIME」。聽朋友講，餐廳只係開咗大約半年，連佢呢個街坊都未幫襯過。店舖嘅環境好舒服，裝潢雅致，開放式門面配以特高樓底，地方開揚闊落，加上室外嘅太陽傘同周邊嘅花草樹木，氣氛悠閒寫意，好有渡假 feel。細閱餐牌，有前菜、沙律、湯、主食、漢堡等，另外仲有 16 款全日套餐可供選擇。點咗香草蒜蓉包 ($28) 同 兩客 Brunch Set，套餐定價非常親民，最平 $58 就有交易，+$5 更可配埋是日餐湯。是日餐湯為粟米忌廉湯，湯身好順滑，入口有粒粒粟米喺裡面。蒜蓉包味道亦唔錯，外脆內軟，入口帶陣陣蒜蓉香。香煎黑毛豬扒 ($128)，件豬扒嘅賣相真係好吸引，非常大塊，勁厚身，而且食落肉質好鬆化，肥瘦適中，香口之餘又唔會蓋過豬扒本身嘅肉味，蘸點燒汁吃，很惹味。伴吃嘅配菜亦唔馬虎，用料講究，有車厘茄、甘筍、翠玉瓜、茄子同薯角等，份量十足，有營又健康。至於另一客盲鰽魚配白酒忌廉汁 ($88) 亦屬驚喜之作，魚皮煎至金黃色，咬下酥香脆口，正。魚肉雪白，肉質紮實，但絕不嚡口，煎後仍然保持嫩滑，伴以白酒忌廉汁同吃，更
放假去馬鞍山探朋友，之後一齊落咗嚟迎海薈食晏。友人提議試下商場 2 樓呢間「CHOWTIME」。聽朋友講，餐廳只係開咗大約半年，連佢呢個街坊都未幫襯過。
店舖嘅環境好舒服，裝潢雅致，開放式門面配以特高樓底，地方開揚闊落，加上室外嘅太陽傘同周邊嘅花草樹木，氣氛悠閒寫意，好有渡假 feel。
細閱餐牌，有前菜、沙律、湯、主食、漢堡等，另外仲有 16 款全日套餐可供選擇。點咗香草蒜蓉包 ($28) 同 兩客 Brunch Set，套餐定價非常親民，最平 $58 就有交易，+$5 更可配埋是日餐湯。
是日餐湯為粟米忌廉湯，湯身好順滑，入口有粒粒粟米喺裡面。
蒜蓉包味道亦唔錯，外脆內軟，入口帶陣陣蒜蓉香。
香煎黑毛豬扒 ($128)，件豬扒嘅賣相真係好吸引，非常大塊，勁厚身，而且食落肉質好鬆化，肥瘦適中，香口之餘又唔會蓋過豬扒本身嘅肉味，蘸點燒汁吃，很惹味。
伴吃嘅配菜亦唔馬虎，用料講究，有車厘茄、甘筍、翠玉瓜、茄子同薯角等，份量十足，有營又健康。
至於另一客盲鰽魚配白酒忌廉汁 ($88) 亦屬驚喜之作，魚皮煎至金黃色，咬下酥香脆口，正。魚肉雪白，肉質紮實，但絕不嚡口，煎後仍然保持嫩滑，伴以白酒忌廉汁同吃，更有助提鮮。
食完仲坐咗一陣，慢慢嘆埋杯凍鮮奶咖啡 (+$5) 同 蘋果汁 (+$8) 先走，店員亦冇催促我哋離開，服務很不錯，下次一定要帶埋屋企人嚟試下。
Post
