Vici Restaurant & Bar (Closed)

- 今晚心血來潮約左個朋友仔去飲野，因為佢住荃灣，所以放工就去荃灣搵佢。一路搵緊d有情調同埋有酒飲既餐廳，經過見到呢間酒吧餐廳就入去試下。- 一坐低，餐廳職員就比左爆谷我地食，服務好好🤣！爆谷仲係牛油口味，正！- 我地即刻睇左個飲品Menu先，我比較鍾意酸酸甜甜口味，所以揀左杯Pink Skeleton，而朋友仔就揀左Mai Tai。- 而食物方面，我地叫左西班牙白蘆筍田園沙律🥗、日式海鮮Pizza同醬油焗銀雪魚。- 西班牙白蘆筍田園沙律好好食，裏面有白蘆筍、羽衣甘籃、粟米、藜麥、紅菜頭、青瓜車厘茄。主要既菜係羽衣甘藍，平時好少沙律會有咁多羽衣甘藍。另外，紅菜頭都好甜好正😋，我地兩個火速清碟。- 下一道上既菜係日式海鮮pizza，pizza係屬於薄底既，餅底好脆身。單食Pizza可能會覺得鹹，但係配埋杯酒就岩岩好。- 而醬油焗銀雪魚，因為係用醬油煮所以味道甜甜地，而且個火候岩岩好，銀雪魚好滑，超正！另外，伴碟仲有個炒雜菜，有蘑菇蘆筍蕃茄同埋椰菜。我地估唔到個伴碟炒雜菜都咁驚喜，好好食😍！- 最後，當然所有野食都清哂盤。另外，朋友留意到我地食完一道菜先再上另一道菜，好細心。埋單果時先知