School Food (Closed)

一到假期就會瞓到雲朝百晏，返工返咗成個禮拜，真係攰到賴住張床唔願起身㗎～直到個肚打鼓假期的中午12點，餐廳隔離嘅溜冰場已經有好多小朋友喺到練習緊，對於咁遲先起身嘅大人來講，真係覺得有點兒慚愧。低成本製作嘅海報menu，大大張，羅列晒所有餐點。我哋揀咗同芝士有關嘅主食，決定食飽飽再行街街。一擺上檯就聞到好大陣紫菜味，為面頭好大撇芝士而雀躍。但其實啲牛肉同芝士都係面頭果一陣，餐牌上有辣味提醒，但可能我哋都鍾意食辣，所以唔覺得有辣，反而覺得湯底偏鹹。麵質就係普通韓式拉麵，總算不過不失。呢款先係重點，份量剛好，成碟都係芝士同肉醬，重口味之選。每夾一嚿芝士都黏咗芝士，拉絲嘅誘惑！惹味十足假期當然要坐低慢慢嘆㗎啦，於是叫咗個芒果艾菲，實行慢活。