Classy Le Carré

Open Now

Now Closed

放假揾地方輕鬆下係基本，堅尼地城好多高質素cafe，今日揾左Classy Le Carre享受下人生。Cafe外表似普通西式cafe，歐陸風格既白牆裝飾，入到去先知另有乾坤，簡單精巧既內飾，待應整齊既制服，有禮既態度，成個氣氛感覺去左日本西式既cafe咁。待應細心介紹cafe既特色飲品後，我哋分別點左杯35%Azella 炭烤榛子朱古力同壺切抹茶 口切抹茶。朱古力上面有一層泡沫，灑上香口既榛子，飲落仲有碎朱古力，但係又唔會太甜，原來佢哋用左法國名牌Valrhona朱古力，唔怪之得咁好味。另一杯抹茶 用上京都山政小山圓既抹茶粉，仲用上壺切茶既儲存方式，所以抹茶味特別香濃，但唔會有澀味，配上鮮奶更加突出抹茶既香濃。我哋仲點左牛角包窩夫配牛油果醬同明太子蝦肉，蝦肉多到遮哂個窩夫，粒粒都滿佈明太子，而且爽口彈牙，食到一半蝦肉先見到個窩夫。窩夫塗上牛油果醬，窩夫口感依然脆口，值得一試！法式鄉村鐵鑊早餐真係成隻鑊咁上，份量相當足夠，而且營養均衡，有肉有菜，每樣都製作用心，絕不馬夫。食完野一邊啖住熱飲，享受下cafe既氣氛，真係一個相當舒服既假日。