幸腹滿屋日本料理 (Closed)

之前都去過一兩次呢間餐廳，不過都係食定食，所以今次就決定試下佢d魚生飯。一行兩人lunch去食，我朋友叫左個三文魚飯，我叫左個吞拿魚腩蓉飯。朋友個三文魚飯就唔方便評論，因為我無食，只係見到賣相都唔錯。每一個套餐都會包一個salad，一個湯同埋一杯熱飲。上菜既速度都好快，賣相都幾靚幾吸引。我習慣將wasabi+豉油倒落飯度一齊攪拌食，開頭都幾好唔錯，吞拿魚腩都算新鮮同幾肥。不過食到最後幾啖就會感覺飯唔太夠，幾啖都淨係食緊魚蓉。份量唔算大，我自己本身唔肚餓都可以輕易食曬，不過之後3點幾4點就會感覺想再食野。坐位方面都十分舒適，同朋友傾下計都幾理想，不過當滿座既時候就會有少少熱。埋單兩個人大概170，我覺得價錢偏貴，但係都會間唔中去食下，唔錯，可以一試。