譽宴 (Closed)

Item: U-Banquet
Rating: 3
Author: 奧志雷

U-Banquet

3.5

21 Reviews

Taste

Decor

Service

Hygiene

Value

415

Jordan

$101-200

Guangdong Hot Pot Dim Sum Dim Sum Restaurant

奧志雷

Level4

2.1K

Read full review

恭喜晒 Aqua 終於上岸喇，一班酒吧界既老友齊齊黎個短聚吧 ﹗靜待開席，見內籠裝修都係現時普遍既酒店式婚宴格局啦，無話特別出眾。左影影、右影影，等埋主人家上枱同大家親朋戚友開兩句就有野食喇。最搞笑係位女 MC 播片時話 Aqua 初戀情人許志安有祝賀短片送比主人家，我信以為真囉 ﹗

我最關注既都係今晚有咩好野食呢 ﹗鴻運乳豬全體、碧綠珊瑚蝦仁、瑤柱蟹肉雙翡翠、百花炸釀蟹拑、竹笙雞絲生翅、生扣原隻南非鮮鮑魚、清蒸沙巴龍皇、醬油脆皮燒雞、楊州炒飯、干燒伊麵、百年好合、甜甜蜜蜜，好豐富啊 ﹗

鴻運乳豬全體，飲杯 ﹗乳豬皮有點散，唔夠新鮮，略肥而瘦肉少，中規中句。所以我最愛食豬仔腳，肉質結實彈牙幼滑又唔肥，燒得香口，搶住食，正呀 ﹗碧綠珊瑚蝦仁，穩陣穩陣，西蘭花爽甜脆卜卜，加埋豆瓣醬更惹味。蝦球、珊瑚蚌、西蘭花混在一起食，爽爽加爽，好味道 ﹗蝦球彈、珊瑚蚌爽、西蘭花脆，滿意。

瑤柱蟹肉雙翡翠，搵唔到雙翡翠喎，唔係兩款菜咩？依家一菇一菜，只有草菇跟小棠菜呢。隻草菇對住我笑喎，開心的草菇！蟹肉瑤柱扒雙蔬，芡汁緊緊抱著小棠菜，食得出蟹肉既鮮甜跟瑤柱絲既香口，扒任何菜都會好好味。如果用鮮草菇代替罐頭草菇就更開心啦，仲要原粒唔好開半喎，所有水份鎖係裡面，一咬爆汁先好食麻。不過溫度實在有點凍，小棠菜灼完都應該放左一段長時間，只係淋個芡汁係面不足以令到整碟菜都熱起來呢，失敗 ﹗

百花炸釀蟹拑，勁彈呀 ﹗外層炸得金黃鬆脆，堅係咬都索索聲呢 ﹗蝦膠非常結實，彈到不得了，應該當波打都絕無問題。蝦肉鮮甜又充滿肉汁，點上甜酸汁同吃就更醒胃啦，仲可以減輕煎炸熱氣感覺添。

竹笙雞絲生翅，話咁快又到中場魚翅漱口時間喇 ﹗各食家雙眼發光，打雀咁眼，全神貫注，蠢蠢欲動 ﹗濃郁高湯底超級香甜有深度，調得厚薄適中，甜味中滲出絲絲雞肉鮮味，竹笙爽口又索汁，混上雞絲跟生翅湧入口中，令整個口腔都充滿清香味道，好食好食。早前睇電視節目，有位名廚講解魚翅正確食法，稱醋並不是混埋魚翅一齊食架，只係食完魚翅呷一口醋，清清膠質及芡汁的呢。明白晒，原來如此。

生扣原隻南非鮮鮑魚，鮑魚非常有鮮味，又好有彈性，不鞋不硬，好味。生菜爽甜又多汁，捲上帶鮑魚味既蠔汁大束大束咁掉入口，好幸福啊 ﹗清蒸沙巴龍皇，終於有魚食喇 ﹗最愛啖啖肉既大海斑，而且仲有厚厚既面珠登食添 ﹗蒸得剛剛好，魚肉厚得黎不乾不鞋，又滑又無渣，魚味濃郁配上蒸魚豉油好味啊 ﹗面珠登肉非常彈牙又結實，我唔客氣喇 ﹗好多朋友仔已經好飽，唔洗擔心，我幫大家食埋啦。

醬油脆皮燒雞，由頭帶到尾我都有點食唔落喇，試一舊雞咁多啦。雞皮勁脆唔油膩，肉質幼滑，但雞肉完全無味，哈哈 ﹗唔怪得會有黑糖豉油跟啦。干燒伊麵，無味既，咁搞笑，而且太腍喇，唔會因為趕收工掛。楊州炒飯，無料喎，得少少菜粒、少少火腿粒，炒到濕淋淋，無鑊氣又唔香，劣 ﹗百年好合、甜甜蜜蜜，到底邊款打邊款呢？是但啦，我都唔食甜品既。