Video
Read full review
2014-04-05
1872 views
做完嘢, 點都要鬆一鬆, 夫妻倆離開公司順便去tea一tea, 太太話已經在OR下載咗優惠卷, 都好...反正有一段時間無去~甫到餐廳, 相熟嘅侍應便笑容可掬地介紹餐廳新出品, 我們亦遞上優惠卷並笑笑口向她說: "我們正為此而來!" 大家聽到之後更哈哈大笑, 呢種親切感就係留住客人嘅利害武器...算啦, 乜都好, 人生苦短, 今朝有酒今朝醉, 計我話至緊要happy!這份新嘅tea set "Italian style Afternoon tea set"最初以為會好似英式afternoon tea咁用三層架嘅裝飾, 點知原來食物係放在長碟上面, 這一下的確讓我意想不到(當然賣點是Italian style 嘛), 細看之下食物嘅鋪排並不馬虎...布里芝士配黑松醬:我先吃一件布里芝士配黑松醬作為今餐嘅序幕, 無特別原因點解要選這件, 進食唔係計數, 隨心所欲啫! 芝士味道柔和奶順, 質地軟滑, 配上黑松露醬嘅獨特香氣, 令芝士提升了不少味道來!燈籠腸釀意大利肉乾身嘅燈籠腸味道偏淡, 釀入帶鹹香又油潤嘅意大利肉來吃, 味道與質感都剛柔並濟, 盡顯心思!煙三文魚撻:今時今日, 煙三文魚
甫到餐廳, 相熟嘅侍應便笑容可掬地介紹餐廳新出品, 我們亦遞上優惠卷並笑笑口向她說: "我們正為此而來!" 大家聽到之後更哈哈大笑, 呢種親切感就係留住客人嘅利害武器...算啦, 乜都好, 人生苦短, 今朝有酒今朝醉, 計我話至緊要happy!
這份新嘅tea set "Italian style Afternoon tea set"
最初以為會好似英式afternoon tea咁用三層架嘅裝飾, 點知原來食物係放在長碟上面, 這一下的確讓我意想不到(當然賣點是Italian style 嘛), 細看之下食物嘅鋪排並不馬虎...
布里芝士配黑松醬:我先吃一件布里芝士配黑松醬作為今餐嘅序幕, 無特別原因點解要選這件, 進食唔係計數, 隨心所欲啫! 芝士味道柔和奶順, 質地軟滑, 配上黑松露醬嘅獨特香氣, 令芝士提升了不少味道來!
燈籠腸釀意大利肉
乾身嘅燈籠腸味道偏淡, 釀入帶鹹香又油潤嘅意大利肉來吃, 味道與質感都剛柔並濟, 盡顯心思!
煙三文魚撻:今時今日, 煙三文魚係 tea set 中必備之物 , 用手指提起煙三文魚撻, 係一口size , 煙三文魚嘅魚脂尚算豐腴 , 放於鬆脆可口嘅撻皮之上 , 一啖過 , 徹徹底底的一乾二淨!
Dabyida自家製鵝肝醬、意式香草蕃茄配水餅:據聞鵝肝醬是自家製 , 口感香滑而不臊 , 肝味濃郁細緻 , 其餘韻悠長 ... 配上一口size嘅特別製作過的水餅 , 味道微妙均勻!
意式香草蕃茄嘅味道調得很好 ,香草與蕃茄的配搭清新, 整體味道balance, 實在出色!
巴馬臣芝士條配蜜糖:鹹香濃味芝士條配上甜蜜蜜蜜糖, 味道迂迴卻又帶點耐人尋味, 妙哉~
海蝦他他配黑魚籽醬:蝦肉彈牙配合他他醬, 味道調得和諧出色, 酸甜有序 ... 放在一葉輕舟似的蕃茄上, 的骰可愛, 味道混合有魚籽醬嘅鹹香, 清新之中卻又略帶絲絲他他醬的酸甜味, 叫人心滿意足, 回味無窮!
莎樂美腸蘆筍卷:清新爽脆嘅蘆筍混合煙韌幽香, 色澤偏淡嘅莎樂美腸, 味道扎實又略帶清脆, 兩者交織得天依無縫 ...
巴馬風乾腿水牛芝士多士:水牛芝士的軟滑配上巴馬風乾腿的鹹中帶香 ...... 對我來說此配搭新穎, 味道仿如空中樓閣, 口感層次非常分明, 值得一試!
水蜜桃迷你班戟:可愛又甜入心痱嘅水蜜桃, 配上鬆軟班戟, 味道極富風情!
鮮什果配紅酒汁:新鮮的藍苺、士多啤梨、奇異果, 配上單寧豐厚的紅酒汁, 絲絲入扣~
馬卡龍:紅苺味, 果仁味 ... 味道不過不失, 質感乾身, 就是一般馬卡龍的味道#
Mimosa:一個夢幻般的名字, 冰凍沁人, 香檳與橙汁的結合, 清新怡人, 容易入口, 芳香無比叫人想入非非, 充滿暇想, 人生本來就是如此 .... 如夢似幻卻又叫人樂在其中~
Cheers~ For a nice peaceful afternoon ......
Post
