映水芙蓉 (海運大廈) (Closed)

朋友知我鍾意食辣，帶左我黎試呢間川菜。第一眼望到個海景已經覺得好正。店員亦都好有禮貌(除左個知客)，好詳細介紹啲食品。今次點左棒棒雞，水煮魚，宮保雞丁，螞蟻上樹同埋一個娃娃菜。棒棒雞味道調較得剛剛好唔算太辣，同埋個辣勁係慢慢滲出，非常過癮。水煮魚就唔算辣，但十分麻香。宮保雞丁就味道偏甜，可以不試。螞蟻上樹做得十分出色，粉絲炒得好乾身有咬口，唔似出面食肆咁淋哂。娃娃菜就只係加左啲紅椒絲，冇乜特別。