新泰東南亞餐廳 (Closed)

好耐冇食過泰國野啦，泰國野既醬料香料都係重口味既一份子，岩晒我! 有朋友食過呢間新泰既分店都話唔錯，咁我就揀呢間就腳少少既黎試下啦~一入到去餐廳發現地方好大，D卡位好靚好舒服，睇下餐牌，除了傳統菜式，亦都有其他東南亞地區菜式，新加坡、馬來西亞同越南菜式都有。首先入面既環境都好有feel，格調都係黑色為主，員工都好有笑容同樂意解答問題，服務都好好泰式生蝦好好味幾新鮮，好彈牙，醬汁味道也不錯。係好開胃之選。拼盤（蝦餅、魚餅）魚餅都唔錯，好彈牙，好中意呢種口感。每樣小食都有四舊，兩個人食一個已經超夠！！泰式菠蘿炒飯也很不錯，菠蘿造型很可愛，上面鋪住好多配料，炒飯都多啫，食到好飽。呢度既環境相當好。位好多，好闊落，坐得好舒服。辛苦左成日都唔想同人逼食飯而且燈光柔和，營造一個好好既氣氛，同朋友都食+傾得開心啲!