Video
Read full review
2010-11-26
23 views
尋日(25-11-2010 Thur)爸爸上o左大陸,就同男友食晚飯啦,去邊好呢?出油麻地搵佢啦.一路諗,想食壽司,去到等佢後,就決定o黎呢間食,o黎到唔多人,我唔想坐bar枱,侍應自己主動叫我o地入去坐卡位,thanks.睇睇menu,都唔少o野食,而且好似有啲壽司同刺身做o緊半價,我o地叫o左:4. 原價$50.00,o衣o家半價$25.00o既火焰半熟蝦芝士卷睇落都幾大件,一啖哎落去,面o既半熟蝦係分唔開,一食就成隻食,口感唔覺得係半熟,睇埋重有咩料,有蟹柳,,蟹籽,青瓜.醋飯味道調較得o岩o岩好,唔錯.味道: 3.8分5. 原價$20.00,o衣o家半價$10.00o既甜蛋壽司又係男友至愛,開到睇menu話好得意,得一啲飯o係蛋面,但o黎到睇真啲唔係,係啲飯o係蛋入面.我覺得蛋唔夠甜,但可以.味道: 3分1. 好似$65.00唔記得咩餐,自己配搭要: i. 鯛魚刺身 一客四片,仍然冰凍,魚味淡淡的. 味道: 3分 ii. 鮭魚壽司 其實係咪都係三文魚?魚生切粒,味道亦都係淡淡的. 味道: 3分 iii. 太子貝烏冬 烏冬份量唔
一路諗,想食壽司,去到等佢後,就決定o黎呢間食,o黎到唔多人,我唔想坐bar枱,侍應自己主動叫我o地入去坐卡位,thanks.
睇睇menu,都唔少o野食,而且好似有啲壽司同刺身做o緊半價,我o地叫o左:
4. 原價$50.00,o衣o家半價$25.00o既火焰半熟蝦芝士卷
睇落都幾大件,一啖哎落去,面o既半熟蝦係分唔開,一食就成隻食,口感唔覺得係半熟,睇埋重有咩料,有蟹柳,,蟹籽,青瓜.醋飯味道調較得o岩o岩好,唔錯.
味道: 3.8分
5. 原價$20.00,o衣o家半價$10.00o既甜蛋壽司
又係男友至愛,開到睇menu話好得意,得一啲飯o係蛋面,但o黎到睇真啲唔係,係啲飯o係蛋入面.我覺得蛋唔夠甜,但可以.
味道: 3分
1. 好似$65.00唔記得咩餐,自己配搭要:
i. 鯛魚刺身
一客四片,仍然冰凍,魚味淡淡的.
味道: 3分
ii. 鮭魚壽司
其實係咪都係三文魚?魚生切粒,味道亦都係淡淡的.
味道: 3分
iii. 太子貝烏冬
烏冬份量唔多,但太子貝有四粒,配料有粟米,海帶同半隻蛋,醬油湯唔太濃,男友覺得失望.蛋黃雖然接近全熟,但蛋白竟然香滑,我覺得其他大路o野
冇乜問題.
味道: 4分
iv. 熱檸蜜
呢個o係個餐o度要加$5.00o既,係男友想飲,o黎到唔大杯,冇問男友覺得點,不過佢都冇咩投訴.
味道: 3分
2. 原價$68.00,o衣o家半價$34.00o既油甘魚刺身
四片半肥o既油甘魚,味道比鯛魚刺身濃,唔錯.
味道: 4分
3. 原價$45.00,o衣o家半價$23.00o既吞拿魚刺身
同樣係四件,呢個又係男友至愛,佢大讚估唔到特價都畀咁好貨色,因為呢個冇渣.平日唔好吞拿魚刺身o既我都覺得OK.
味道: 4分
6. 後加$28.00o既博多鵝肝天婦羅
被menu相吸引而叫,o黎到睇真啲,原來係將鵝肝醬塗o係冬菇,就好似三文治咁,然後上漿炸.我一啖咬落去時,食唔到味道,連冬菇味都冇乜,而且都乾乾地.但食到裡面有塊葉,係紫蘇葉.我再細啖咬,就食到淡淡o既冬菇味,而僅有o既鵝肝呢,食唔到味道lu.不過呢個賣相夠靚.但男友就只讚佢o既脆漿夠薄.
味道: 3分
呢餐埋單$218.00,但我計極都計唔到呢個數.
服務:
都唔錯,只係唔係成日斟茶.
環境:
初頭入到去冇乜開冷氣,幾焗吓,之後就開o左.
卡位闊度夠,幾舒服.
Post
