Video
Read full review
2019-05-07
221 views
今晚是小女子和國王大人的兩週年結婚紀念日，雖然我們拍左十幾年拖，可以算是老夫老妻，所以也沒有鋪天蓋地的慶祝活動，就是吃一餐好一點的晚餐！走進這彷如酒店內的大堂，每一張枱中間都很有距離感，舒服的二人卡座，不說無人估到我們原來去了吃半自助火鍋放題(>^ω^<)啲朋友見到我喺fb post出嚟嘅相， 都紛紛詢問我去咗邊度食好嘢， 仲話啲食物同環境咁正以為我花咗好多錢， 然後佢哋個個一聽到只需要三百幾蚊， 都猛話超抵下次要一齊去食！醉翁亭的晚餐半自助火鍋放題，每人只需298元，已經包括一個海鮮拼盤，手切牛肩胛和日式刺身拼盤，還有每人一份花膠和一個巨型水餃王。基本上食完以上份量都已經飽咗一大半，仲有無限refill麻辣雞，最正係放題食物可以無限時任飲任食，最啱gathering，一班朋友坐幾耐吹水傾計都得啦！食物上枱的速度也算很快， 不夠五分鐘， 熱騰騰的麻辣雞煲變端上來了，雞件嫩滑勁香荽茜味。 不過麻辣雞煲辣度只有一種， 我老公就覺得啱啱好， 對我嚟講就有點辣過頭， 所以食咗一件就好快加湯轉打邊爐(≧∇≦)打邊爐當然唔少得海鮮和肥牛啦！ 個海鮮拼盤係會令人心心那種， 比手掌還要
走進這彷如酒店內的大堂，每一張枱中間都很有距離感，舒服的二人卡座，不說無人估到我們原來去了吃半自助火鍋放題(>^ω^<)
啲朋友見到我喺fb post出嚟嘅相， 都紛紛詢問我去咗邊度食好嘢， 仲話啲食物同環境咁正以為我花咗好多錢， 然後佢哋個個一聽到只需要三百幾蚊， 都猛話超抵下次要一齊去食！
醉翁亭的晚餐半自助火鍋放題，每人只需298元，已經包括一個海鮮拼盤，手切牛肩胛和日式刺身拼盤，還有每人一份花膠和一個巨型水餃王。基本上食完以上份量都已經飽咗一大半，仲有無限refill麻辣雞，最正係放題食物可以無限時任飲任食，最啱gathering，一班朋友坐幾耐吹水傾計都得啦！
食物上枱的速度也算很快， 不夠五分鐘， 熱騰騰的麻辣雞煲變端上來了，雞件嫩滑勁香荽茜味。 不過麻辣雞煲辣度只有一種， 我老公就覺得啱啱好， 對我嚟講就有點辣過頭， 所以食咗一件就好快加湯轉打邊爐(≧∇≦)
打邊爐當然唔少得海鮮和肥牛啦！ 個海鮮拼盤係會令人心心那種， 比手掌還要長的蟶子皇， 肉質肥美夠曬厚身， 鮮甜度簡直滿分！
仲有個殼成隻手掌咁大嘅貴妃蚌， 輕輕灼咗一分鐘已經可以食得， 新鮮嘅海鮮完全唔使點任何醬汁都非常之咁好味！
海蝦亦都夠曬大隻夠曬鮮甜， 食嗰陣時嗰個結實程度完全可以感覺到隻蝦喺海中係何等生猛(≧∇≦)
再嚟一塊好似棉胎咁厚嘅花膠， 說起來有點失禮 ，其實我咁大個女都好少食到塊咁厚嘅花膠， 切嘅時候仲有鋸扒嘅感覺添， 厚厚的花膠在嘴裡面那種結實的張力， 再配埋鮑汁嘅鮮甜， 簡直將奢華升級到極點！
海鮮盤仲有龍躉魚肉和我嘅最愛鱔片， 後來仲發現這個鱔片係可以無限任食㗎， 平時出去食鱔其實好貴， 而且仲要好少見到咁大條鱔， 以這種size的鱔嚟講， 六至八塊已經要賣88元， 在這裏竟然係任食， 簡直係天堂！
打邊爐又點可以冇牛肉呢？！ 呢度限定每人分量嘅牛肩胛就非常之正， 雖然是限量， 不過份量也不少， 二人分已經鋪滿了整整一碟， 可以算係非常豐盛！ 而且肉質鮮嫩，無論灼到幾熟都唔怕韌， 油花分佈非常均勻細緻， 卻又不會遮蓋肉味， 滿口的牛油芳香令人忍不住合上眼自陶醉一番~~
任食種類繁多， 例如有翠玉瓜 、青瓜條、竹笙、 箱根、 炸響鈴、 炸魚皮、 美國雪花肥牛、 大魚頭、 脆鯇片、 大青口、 白鱔片、 芝士腸、 珍寶腸、 豬腰豬肚豬潤豬腸粉、 魚蛋蝦滑墨魚滑魚骨牛丸貢丸四寶丸…… 款式多到不能盡錄(≧∇≦) 必定能盡興而歸！
Post
