馬祖台灣養生湯麵館 (留仙街) (Closed)

每次工作忙，夜晚瞓得唔好，我都會去呢間養生雞湯店食個湯飯，飲完個藥膳雞湯，當晚即刻一覺瞓到天光。台灣藥膳蟲草花藥膳雞飯$55，店員送餐嘅時候已經聞到陣陣藥膳湯嘅香味。湯料有雞件、紅棗、蟲草花、杞子、黑木耳，全部食材都係對身體有益。👍雞件嫩滑多肉又唔肥膩，送飯一流。👍蟲草花健脾益肺，滋補而不燥，纖維較高，除咗可降低膽固醇，亦可幫助腸道蠕動，清除宿便。👍黑木耳可補鈣、補鐵、防止膽固醇過高以及血管硬化，加上富含膳食纖維。👍紅棗、杞子補血明目。藥膳湯一啲都唔油膩，煲得味濃香甜，飲完唔會口渴或燥火，相反有安神助眠功效。