酥妃皇后 (裕民坊YM²) (Closed)

佢比較出名嘅係手工蛋撻，但個人比較鍾意食佢嘅手工果仁撻。夏天又係減磅嘅日子，都唔太敢食太多甜品。不過有時真係忍唔到口嘅時候，就俾自己食一個果仁撻過下口癮佢嘅果仁撻主要係腰果同杏仁，加上小小開心果做點綴。腰果同杏仁都非常香脆新鮮，食得出係即日整起嘅，果仁外面有一層薄薄嘅焦糖包裹住，食落唔會黐牙之餘又多一重香甜嘅味道。撻底都食落有小小似蛋糕嘅口感，偏濕潤，唔會話食落好乾，而外面酥皮雖然有小小覺得焗過咗龍，但唔係好影響整體口感。成件撻唔係話好大件嘅，$18蚊一件，話好抵食嘅話就唔係嘅，不過以手工撻黎計，材料又新鮮嘅份上，加上不唔係成日食，所以覺得還可以。