Pickabowl (荃新天地2)

Open Now

Now Closed

謙謙跳繩後肚餓係荃新2期到搵食， 見到近期新興的夏威夷蓋飯， 行入去睇色彩繽紛的材料， 自由配搭， 生熟材料任選，有飯有烏冬有椰菜花有糙米好多健康選擇，真係睇到眼花🤣我地一人叫一碗 D.I.Y自選 ， 可以選兩款刺身或熟肉， 再選一款配菜組口， 最後選個底層，謙謙仲升級左套餐有甜品。🥙 煙燻油辣味吞拿魚+加州三文魚+紅菜頭組合+黃姜椰菜花併半糙米飯另加一份蟹籽 ～ 我估唔到呢個新食法健康得來又幾滋味， 吞拿魚辣得來開胃，三文魚有沙律醬無得輸，個配菜紅菜頭咁食法又幾爽口，蟹籽拌勻d 椰菜花和糙米飯口感一流。其實咁叫一碗份量都真係好多，食完超飽。🥗 慢煮天多利雞+薑汁松板豬+泡菜組合+沾烏冬 ～ 謙謙開頭咁配搭我仲笑佢怪，點知出來效果又幾夾喎，松板豬切到一粒粒好爽口喎， 個慢煮雞粒就軟滑d ， 泡菜+溫泉蛋+烏冬拌勻食，謙謙話滑得來帶點惹味。甜品份量比較細杯，不過謙謙都比左第一口我食，食完甜哂。