紅火鮮料火鍋專門店

Open Now

Now Closed

天氣凍最岩打邊爐，兆萬呢棟商廈已經好有幾間火鍋店，我地就隨機揀左其中一間。湯底有超過10款選擇，而且仲有d養生健康既湯底，所以唔怕揀唔到，我地最後揀左玉米鮮豬骨煲。個湯底真心不得了，豬骨都有3大舊，可謂落足料。味道直頭好似係屋企食既咁，好有住家feel。醬料係醬料bar度自己揀，都幾齊全。配料選擇都幾多，粗略估計應該超過50款。當中推介手打蟹籽墨魚滑、蟹籽鮮蝦滑同鮮蝦丸，由於係自家製手打既關係，D滑超彈牙，而且好重鮮味，好似一次過食左好多隻蝦咁。不得不提係d玉米，非常甜，我相信個湯底係幫左好大忙。加少少錢仲可以任叫魚生，三文魚等基本款係有既，味道呢個價錢有呢個質素算係咁。飲品櫃選擇都幾多，而且竹蔗茅根都係免費任拎。甜品仲有小時候成日食既吱吱冰，非常懷念。如果係著重養生同健康，我個人覺得呢間係個幾好選擇。