幸福四季椰子雞 (永光中心) (Closed)

今次嚟幸福椰子雞湯打邊爐，佢哋而家新出咗新嘅放題套餐，平時某啲時段仲有優惠添！詳情留意下圖：一入去除咗中間嘅枱之外，亦都有好多小包廂，空間感十足店員會好詳細咁講俾你知個雞湯要煮幾耐等等，服務都非常好👍👍👍幸福椰子雞主打新鮮熬製嘅海南椰子水熬煮成湯底，店員話至少落咗4-5粒椰子水去製作，飲落真係有非常濃郁清甜嘅椰子味，而且裏面配有竹笙同埋椰子肉，好似飲住家湯咁清又健康，好正！keep住飲左幾碗先捨得加湯打邊爐。飲完湯店員會好細心咁入嚟落雞件，雞肉新鮮得嚟唔會太肥，好適合配埋咁清甜嘅湯底一齊食，感覺好養生滋潤，如果同小朋友👧🏻🧒🏻或上咗年紀嘅父母👵🧓嚟就更加適合不過👍醉舌鴨舌處理得彈牙，肉質細嫩得嚟帶有濃濃嘅花雕酒香氣，非常入味👏係我今晚最愛嘅小食，encore咗好多次😋即炸響鈴薄脆金黃外皮，一咬即碎，可以就咁食或者打邊爐都得，店員喺即叫即整，夠哂新鮮滾熱辣🤤即炸魚皮非常巨型嘅魚皮，而且又係即叫即炸，好食過平時喺出邊雲吞麵舖嗰啲，睇相就知係魚皮巨大化🤣牛頸脊肉質鮮嫩，帶有適中油脂花紋，入湯即熟，食落牛味都幾重，啱晒中意食牛嘅朋友。火鍋羊肉片羊肉唔會有濃烈嘅羶味，選材唔錯，口感柔軟，配上椰子