龍德樓 (Closed)

呢日係旺角行完街, 最近開始有D 凍,都想食下D 暖胃既野, 行行下就行到黎何文田,見到呢間龍德樓有煲仔飯就黎試試佢! 我地叫左臘味煲仔飯同章魚肉餅煲仔飯! 呢間裒廳既煲仔飯同平時食過既唔同, 佢係行健康路線, 所以佢既煲仔飯係冇飯蕉既~ 我就覺得係幾特別既路線! 有時真係想食下邪惡野但又驚唔健康! 咁樣又食到又唔會健康真係perfect!!!　臘味煲仔飯必有既臘腸同潤腸仲有臘肉~! 真係夠哂香! 令到成個飯都係肉既油香! 連埋D 煲仔飯既豉油食真係令人想一啖接一啖咁食哂成個飯! 章魚肉餅煲仔飯又係夠哂香章魚味! 同個肉飯撈埋一齊perfect! 我地仲叫左椒鹽中蝦同埋海鮮雜菜粉絲煲! 椒鹽中蝦真係好好食! 中蝦開邊炸到勁香脆! 脆到連殼都可以一齊食!!! 椒鹽份量岩岩好,唔會令到隻蝦好咸, 有哂提鮮既作用! 海鮮雜菜粉絲煲就係水準之作, 主要係想食多D 菜! 個煲既菜唔會太濃味! 食得出冇味精! 正!另外仲叫左兩個燉湯,分別係蟲草花豬肉湯同埋花膠杏汁豬肺湯, 兩款湯飲落令人覺得好舒服, 同埋勁足料,唔會淡到水咁,飲得出係用左時間去燉出黎! 正有家既感覺!