龍德樓 (Closed)

難得有時間出街食lunch...今日同事介紹我食依間煲仔飯。12點到剛剛好唔洗等位，隔左一陣就坐滿人喇。餐廳有點心、有煲仔飯。我就揀左個午膳套餐，一個飯加湯或者菜。間餐廳應該出名湯，所以就叫左個湯喇。是日例湯係木瓜雪耳湯，味道都唔錯。值得下次再試。如果想飲其他湯就要加錢喇。個煲仔飯都幾好食，不過可能因為我果個係鱆魚雞粒飯，所以冇汁，感覺就淡味左少少。不過都代表住幾健康既⋯⋯再自己加豉油就變左好好味喇。$65。另外，要比$3茶錢。下次可飲多幾杯。