燒窰居 (Closed)

今日又到元朗覆診，酷熱天氣下只係想盡快跳入有冷氣嘅地方，誤打誤撞下來到了「燒窰居」。餐廳主打燒雞及窰雞，唔食雞亦有其他選擇，米線餐亦可以揀唔同粉麵及湯底，夠晒多選擇。每張枱都有辣椒粒、蔥花及芫茜可以俾客人任加，鍾意食幾多都得。喜愛食辣嘅我，梗係食呢款椒麻雞啦，揀咗純雞湯檬粉。純雞湯味道清清地，飲得出無落味精。窰雞上面鋪滿辣椒、蒜頭及花椒，傳黎陣陣麻香味，雞嘅份量都幾多，肉質好嫩滑，食落味道又麻又辣，越食越開胃。米線餐包熱飲，亦可以加錢轉特飲，我揀咗樽仔咖啡，咖啡入口好幼滑，無冰下味濃更香濃，天時暑熱飲真係份外醒神。