Video
Read full review
2022-10-07
53 views
太想念韓國🇰🇷既我，尤其係韓國食品。因疫情關係，已經接近三年沒有飛喇。最近同好朋友去咗尖沙咀韓國街嘅 "Kimchi Korean Fusion"，係香港首間清真韓國菜餐廳，依度選用清真方式屠宰肉品同清真食品，值得品嚐一下！店舖地方雖然不是很大，但環境富有民族色彩，裝修別緻，有韓國屋嘅感覺，舒適潔淨。餐牌入面有好多韓式食品選擇，韓式蛋卷、炒年糕、冷湯麵、炒粉絲、人蔘雞湯飯、海鮮煎餅、拌飯、無骨炸雞等，款款特式。韓式海鮮煎餅 $138 薄薄一層煎餅，餅邊煎得香脆，咬入去鬆軟，內裡蘊含好多材料，有蝦、八爪魚、蜆肉、魷魚、蔥等，鮮味十足，口感非常豐富，沾上自家製醬汁，味道更有層次感。紫菜卷 $98每次去韓國都係必食嘅紫菜卷，依款紫菜卷可以揀蔬菜、炸蝦、牛肉，我選擇炸蝦，餡料好多，有鮮甜蝦肉、濃香蛋、爽口黃瓜、紅蘿蔔、菠菜、火腿、芝麻等加入麻油調味，口感清爽，越食越滋味。冷湯麵 $88在天氣熱食碗冰凍嘅韓式冷麵，特別涼快，韓式麵條相當彈性，口感煙韌，每個冰粒都係用上湯熬出再雪凍，溶解後與麵條一齊食，鮮甜美味，配合青瓜、醃菜、雞蛋、辣醬撈埋一齊，食起嚟清爽得來帶少少
店舖地方雖然不是很大，但環境富有民族色彩，裝修別緻，有韓國屋嘅感覺，舒適潔淨。
餐牌入面有好多韓式食品選擇，韓式蛋卷、炒年糕、冷湯麵、炒粉絲、人蔘雞湯飯、海鮮煎餅、拌飯、無骨炸雞等，款款特式。
韓式海鮮煎餅 $138 薄薄一層煎餅，餅邊煎得香脆，咬入去鬆軟，內裡蘊含好多材料，有蝦、八爪魚、蜆肉、魷魚、蔥等，鮮味十足，口感非常豐富，沾上自家製醬汁，味道更有層次感。
紫菜卷 $98
每次去韓國都係必食嘅紫菜卷，依款紫菜卷可以揀蔬菜、炸蝦、牛肉，我選擇炸蝦，餡料好多，有鮮甜蝦肉、濃香蛋、爽口黃瓜、紅蘿蔔、菠菜、火腿、芝麻等加入麻油調味，口感清爽，越食越滋味。
冷湯麵 $88
在天氣熱食碗冰凍嘅韓式冷麵，特別涼快，韓式麵條相當彈性，口感煙韌，每個冰粒都係用上湯熬出再雪凍，溶解後與麵條一齊食，鮮甜美味，配合青瓜、醃菜、雞蛋、辣醬撈埋一齊，食起嚟清爽得來帶少少辣，多重滋味。
韓國芒果乳酪 $28/杯
濃濃嘅芒果香味，雖然個名叫乳酪，但質地介乎乳酪與果汁之間，口感帶些少少稠，順滑濃郁，好飲。
Post
