隨然有機玄米菜食料理 (Closed)

平時食得多煎炸肥膩食物，有時候都會煮牛奶燕麥當一餐，當平衡一下之前食的煎炸食物。今日經朋友介紹下，去了尖沙咀一間叫隨然有機玄米菜食料理的餐廳。朋友話食過一次，覺得餐牌上面全部的食物都健康有營養，所以介紹我去。今日一食，都好認同朋友的講法。餐廳環境有點兒像日本自然風，枱櫈都是木製。連筷子和匙羹都是木製。一邊食，一邊聽到小鳥的聲音， 背景音樂令人舒適地覺得置身於大自然之中。餐廳如果要飲水是自助式，自己可以去拿水杯倒水飲。我和朋友一入去餐廳，朋友就幫我倒一杯水，然後我們選擇了要食的食物，我就去付款部先比錢賣單。跟住再自己拿木製的筷子和匙羹，以及紙巾，走回自己的座位。當然我都有替朋友拿筷子匙羹和紙巾，哈哈。我們叫了味噌野菌意大利麵，$118。意大利麵的烹調時間恰到好處，保持麵條的彈牙度，比較硬身。麵條有濃烈的味噌味。平時食意大利麵通常都是芝士或者忌廉，估不到原來配味噌都別有一番風味。另外有叫南瓜燴飯，$98。一碟橙黃色的南瓜燴飯送到面前，上面還插着一些超薄的蓮藕薄片和脆脆條。兩者都好薄，薄到感覺有點兒像食薯片。好味。南瓜燴飯份量不少，食完南瓜燴飯都好飽。南瓜燴飯每粒飯都好分明。而且肉眼都見到南