Video
Read full review
2017-08-27
78 views
自從sogo超級市場大革新後, 無論貨品定熟食小食店都多左好多, 完全係吃貨同師奶既天堂!!!今次又黎掃貨, 途經呢間食係食店集中地既健康食品店, 不如就食下健康野( 中和返岩岩食左好多甜品既罪惡感, 哈哈!), 其實呢間健康食品店係開慕果排有試過一次佢個龍蝦包, 仲記得佢個龍蝦包好多肉但食落一啲都唔heavy, 同出面既唔同感覺, 所以一直心思思再試埋其他食品! 兩大個雪櫃, 所售賣既食品一目了解, 有近十款沙律提供, 想豐富啲可以加錢要toppings, 例如雞肉同煙三文魚等大路野。見到餐牌上面寫左所有餐品都經由營養師設計過, 即係無論食物飲品定沙律都可以放心食啦! 地中海式藜麥沙律 $38/100g由於心知自己既胃口有幾大XD食蔬菜類型既沙律實在唔太適合我, 所以我就揀左藜麥呢種出名有飽足感既superfood, 平時食沙律都中意揀多種配搭, 不過呢到就只能揀一款, 如果可以比客人多種配搭應該更好呢! 每款沙律都列明左各自既卡路里同功效, 好似呢款咁每100g就有140kcal, 好低卡呢, 原來功效係去水腫, 聽落好吸引XD三色藜麥比起單一色既藜麥更加營養, 配料有鮮甜既車厘茄
今次又黎掃貨, 途經呢間食係食店集中地既健康食品店, 不如就食下健康野( 中和返岩岩食左好多甜品既罪惡感, 哈哈!), 其實呢間健康食品店係開慕果排有試過一次佢個龍蝦包, 仲記得佢個龍蝦包好多肉但食落一啲都唔heavy, 同出面既唔同感覺, 所以一直心思思再試埋其他食品!
兩大個雪櫃, 所售賣既食品一目了解, 有近十款沙律提供, 想豐富啲可以加錢要toppings, 例如雞肉同煙三文魚等大路野。見到餐牌上面寫左所有餐品都經由營養師設計過, 即係無論食物飲品定沙律都可以放心食啦!
地中海式藜麥沙律 $38/100g
由於心知自己既胃口有幾大XD食蔬菜類型既沙律實在唔太適合我, 所以我就揀左藜麥呢種出名有飽足感既superfood, 平時食沙律都中意揀多種配搭, 不過呢到就只能揀一款, 如果可以比客人多種配搭應該更好呢!
每款沙律都列明左各自既卡路里同功效, 好似呢款咁每100g就有140kcal, 好低卡呢, 原來功效係去水腫, 聽落好吸引XD
三色藜麥比起單一色既藜麥更加營養, 配料有鮮甜既車厘茄, 唔酸仲好juicy! 另外仲有少量三色椒粒, 令口感無咁單調, 少量既沙律菜, 即使無肉都OK。本身藜麥煮得時間恰好, 有咬口, 而同平時出面食既比較上更少調味同埋油份添加!
除左沙律仲選購左包點, 主要推介既龍蝦包同三小包, 因為已經試過龍蝦包, 今次就試三小包啦!
三小包$85
分別係迷你鵝肝醬天多利烤雞包、迷你凱撒三文魚包同埋迷你龍蝦包, 即叫即整, 不過都好快有。
同模型一樣咁得意, 精緻得黎但感覺唔會太細個, 除左每個包都表面光滑之外, 外露出黎既饀料亦好多, 感覺上餡既比例仲多過包lol
龍蝦味同之前試既一樣咁爽口, 而且加左蟹籽令口感爽上加爽, 平時食龍蝦包會加牛油再烤焗至香脆, 呢到雖然無呢個step但味道依然好味, 至於烤雞包, 因為我係雞肉控, 所以對佢好期待, 出奇地同平時既雞肉食落唔同, 唔韌之餘又結實, 少食咁樣切食細細方形細既雞肉, 幾特別, 而且沙律醬既調味好充足又creamy, 似乳酪texture, 食到入面仲有鵝肝醬, 而唔混埋左雞肉入面。最後三文魚包係比較上最少沙律醬既包, 但味道郤係最濃既, 可能因為本身三文魚煙薰過? 三文魚味頗濃郁, 而且口感細膩輕柔, 完全唔似食緊魚肉, 有啲似買返屋企查麵包果啲三文魚醬, 配左火煎菜令咸味中和左。
整體八十幾蚊食包似乎幾貴, 不過饀料的確係豐富, 而且感覺相對健康。
食咁多野當然要飲野, 本身想叫佢果汁, 但被頭頂既沙冰吸引左, 叫左個紅菜頭乳酪沙冰, 好少可飲咁健康既沙冰lol 連沙冰都標埋卡路里!!
紅菜頭本身係偏淡既食材, 用黎整沙冰一定唔會好濃味, 但加左乳酪就令味道上添左酸同埋質感上加左濃杰度, 唔錯既配搭, 不過建議飲前撈勻啲, 因為飲到底會偏淡。
Post
