Video
Read full review
2020-12-03
52 views
好耐無約朋友食飯，見到Rimi Cafe經OpenRice Book有95折就決定試下～～餐廰有兩邊位置，一邊係日式榻榻米，一邊係卡位。佈置簡簡單單，但好有文青嘅感覺！一坐低waitress就好熱情咁招待我地，因為之前都有朋友介紹過呢間Rimi Cafe啲雞翼好食，我哋就專登嗌嚟食下～我自己嗌咗個卡邦尼意粉 ，一上菜，我就留意到意粉上面撒滿大大片芝士碎，好足料！醬料偏稠身沾滿意粉又夠Creamy，意粉軟硬適中有咬口。對於我呢個本身細食嘅人嚟講，份量啱啱好。Lunch Set跟一杯飲品，因為見到Cafe嘅花草茶／果粒茶系列好吸引，我就加咗$20嗌咗杯水蜜桃果粒茶。茶方面，有淡淡嘅蜜桃香，好天然，仲可以自己調節想落幾多蜜糖，啱哂依家好多想少糖嘅朋友仔！仲要成壺茶份量好足，飲咗4-5杯都仲未飲完！大推薦！雞翼方面，我地選擇咗蜜糖芥末雞翼～蜜糖芥末醬普普通通，但個雞翼炸得好掂，外面脆脆地，入面啲肉仲好Juicy！同朋友慢慢食慢慢傾，坐咗接近2個鐘～臨走先發現Cafe仲有提供唔同board games，下次準備好嗌一大班朋友仔一齊上嚟玩下！！
餐廰有兩邊位置，一邊係日式榻榻米，一邊係卡位。佈置簡簡單單，但好有文青嘅感覺！
一坐低waitress就好熱情咁招待我地，因為之前都有朋友介紹過呢間Rimi Cafe啲雞翼好食，我哋就專登嗌嚟食下～
我自己嗌咗個卡邦尼意粉 ，一上菜，我就留意到意粉上面撒滿大大片芝士碎，好足料！醬料偏稠身沾滿意粉又夠Creamy，意粉軟硬適中有咬口。對於我呢個本身細食嘅人嚟講，份量啱啱好。
Lunch Set跟一杯飲品，因為見到Cafe嘅花草茶／果粒茶系列好吸引，我就加咗$20嗌咗杯水蜜桃果粒茶。茶方面，有淡淡嘅蜜桃香，好天然，仲可以自己調節想落幾多蜜糖，啱哂依家好多想少糖嘅朋友仔！仲要成壺茶份量好足，飲咗4-5杯都仲未飲完！大推薦！
雞翼方面，我地選擇咗蜜糖芥末雞翼～蜜糖芥末醬普普通通，但個雞翼炸得好掂，外面脆脆地，入面啲肉仲好Juicy！
同朋友慢慢食慢慢傾，坐咗接近2個鐘～臨走先發現Cafe仲有提供唔同board games，下次準備好嗌一大班朋友仔一齊上嚟玩下！！
Post
