Video
Read full review
2014-11-21
2538 views
友人早前買咗Grano Italiano嘅團購，發覺其質素不俗，就算唔用團購價都認為食得過，所以，約咗小弟週六偶意一聚食餐晏。雖然，尖沙咀唔喺咩示威、集會區，唔知喺咪近期整體氣氛影響，估唔到午市時段都咁少人，只得幾枱客，咁大個場顯得有少少凋零 。Grano Italiano採取全自助形式，所以，鋪內環境裝修簡約，地方闊落，當然比快餐店好坐，加上餐廳一邊喺收銀、點餐櫃枱，以及半開放廚房，其餘都喺落地大玻璃窗，雖然只喺樓景，但晌燦爛嘅陽光下，人都變得有朝氣啲啦 。近門口印晌牆上大大個「餐牌」，企定定晌度睇又得，拎張單張埋位慢慢研究都得。到收銀櫃枱落單後，所有食物製作需時，尤其薄餅要搓，落料，又要焗，故此店方為你準備咗個「Pizza」通傳器，一晌就知啲食物搞掂 。講到抵，莫過於晌度飲汽水啦（$28），可口可樂、忌廉、紛達、雪碧，全部無張添加，最正喺自己嚟，任斟任飲，飲完可樂，又可以轉飲忌廉 。其他飲品仲包括罐裝或枝裝果汁、梳打水……等等，選擇亦唔少。 是日精選餐湯 $38 個餐湯有啲驚喜，因為唔喺啲普普通通嘅意大利雜菜湯，而喺野菌忌廉湯，打開杯蓋睇見湯中菌粒及色澤，感覺已經好對
Grano Italiano採取全自助形式，所以，鋪內環境裝修簡約，地方闊落，當然比快餐店好坐，加上餐廳一邊喺收銀、點餐櫃枱，以及半開放廚房，其餘都喺落地大玻璃窗，雖然只喺樓景，但晌燦爛嘅陽光下，人都變得有朝氣啲啦 。
近門口印晌牆上大大個「餐牌」，企定定晌度睇又得，拎張單張埋位慢慢研究都得。
到收銀櫃枱落單後，所有食物製作需時，尤其薄餅要搓，落料，又要焗，故此店方為你準備咗個「Pizza」通傳器，一晌就知啲食物搞掂 。
講到抵，莫過於晌度飲汽水啦（$28），可口可樂、忌廉、紛達、雪碧，全部無張添加，最正喺自己嚟，任斟任飲，飲完可樂，又可以轉飲忌廉 。
其他飲品仲包括罐裝或枝裝果汁、梳打水……等等，選擇亦唔少。
是日精選餐湯 $38 個餐湯有啲驚喜，因為唔喺啲普普通通嘅意大利雜菜湯，而喺野菌忌廉湯，打開杯蓋睇見湯中菌粒及色澤，感覺已經好對辦，聞一聞香氣撲鼻，一啖入口又真喺幾得喎，稀杰度啱啱好，菌味足，又有唔少菌粒，喺稍嫌佢質感粗咗少少。
Grano Italiano $158 餅薄分兩大類別：個人風格（Pizza Tailor）及意式餅薄（Pizza a la Carte），前者喺自選配料，分$118 / $148兩個價位，而後者喺預設式餅薄，餡料及醬汁都經店方設計好，共有6款選擇，所有餅薄都喺13吋大細。
而其中一款意式餅薄就喺以店名命名「Grano Italiano」，雖然配料跟醬汁都比較傳統啲，意式蕃茄醬、馬蘇里拉芝士、巴馬火腿、火箭菜、巴馬臣芝士，但用料不賴，批底又搓得薄脆，蕃茄醬酸香鮮活，啲火箭菜又唔苦澀，巴馬火腿亦油潤不俗，確喺幾好食 。
如果味道未夠個人化，就晌汽水機旁有個自助調味架，香草醬、辣椒仔、橄欖油……等等，悉隨尊便。
炸薯條 $28感覺麥記貨色，唔喺好食我出有咩分別，所以，散叫一客就唔太划算。
話時話，雖然，叫得唔多嘢，但作為一份輕怡嘅午餐，都好夠我哋3個人食，不過，咁大個商場人流卻咁少，真喺有啲擔心間店仲做唔做到落去啫！
Post
