CHOO CHOO (Closed)

我同女朋友係荔枝角行完街搵嘢食，記得朋友曾經介紹過一間喺長沙灣叫choo choo嘅餐廳，朋友話呢間西餐廳令佢回味無窮，所以擇日不如撞日，我同女朋友就搭地鐵搭一個站到咗長沙灣。餐廳比較偏遠，由地鐵站行左13分鐘到，中途仲俾啲街道號碼搞到行錯路，所以大家最緊要用Google Map ,地點就一清二楚啦！餐廳裏面嘅燈光適中，最適合同女朋友二人晚餐。枱同枱既距離都足夠，可以留翻啲私人空間同女朋友傾計。但最震懾到我嘅係呢兩部LCD電視，電視會播放不同風景既影片，你彷如置身係一架火車上，喺火車穿越另一個城市之際，你一邊享受晚餐，一邊欣賞迷人嘅風景。我足足望住部LCD電視10分鐘，因為喺火車上一邊食飯一邊欣賞風景係我由細到大所憧憬嘅，而呢間餐廳正正俾到我咁嘅感覺，所以我蕩失路都值得。講完「風景」當然要講番啲食物啦！我哋總共叫咗三道菜同埋兩杯飲品。第一個出場嘅就係五成熟既牛肩胛配露荀黑松露波特菇。賣相相當吸引，上面作裝飾嘅係牛油。我對牛肩胛認識不多，淨係知道佢嘅口感同外觀和肉眼扒差不多，但我食完發覺牛肩胛好少筋不特止，仲非常嫰口多汁，加埋啲牛油一齊食，口感更加豐富，呢道菜對女朋友嚟講可能係膩左少少，