土司工坊 (Closed)

呢間土司工坊喺元朗其實已經開左好耐，佢未有新一期商場已經喺度。雖然依家呢個商場多左好多好西食，不過間唔中都會想食下d新加坡野嘅！叫左一個小魚椰漿飯配雞脾飯同一個星洲叻沙，小魚椰漿飯有一片蛋，有d炸魚仔放喺側邊。佢仲有d 類似xo醬嘅辣醬放喺旁邊俾你撈飯，d醬其實都幾辣下，又好惹味！至於佢d 炸魚仔好香口，加埋個飯一齊食會有多一種口感！另外叫左個星洲叻沙，有魚片、蝦、豆腐卜同埋芽菜。個米線煮得耐左少少，所以偏淋身，硬番少少會好d!有時嫌熱氣會再加個檸檬惹米水潤下喉，下下火。間中食一食當自己去左新加坡啦！