永珍越南食館 (Closed)

見新開，所以試下個午餐。門口大大個午餐牌寫住$43包熱飲，甘唔算貴啦。 入到去坐底睇見餐牌細細隻字寫住星期六日另加$6，先覺得搵笨。然後，餐牌上有幅圖幾吸引，就問收銀亞姐係咩黎，佢就話係茄汁牛腩，甘聽落都唔錯，甘咪叫囉。 黎到就知道中左伏，原來係茄汁溝水，一嚿蕃茄都無，無呢誠意，個味重衰過大x活果種茄汁。 牛腩又唔冧，少得黎而且又細嚿。另外重叫左一個煎蛋薄荷葉肉碎飯，黎到先知唔係炒飯，跟著問個收銀，佢好串甘答：「呢個不嬲都係白飯底！」。 我睇返餐牌，的確無個「炒」，甘無計啦。只不過我一向食開果啲香葉肉碎飯係炒，所以大失所望啫。 總括而言，呢間餐廳偷工減料，唔好食，我唔會再幫襯！