Video
Read full review
2016-01-08
214 views
前兩日膽粗粗同朋友一齊試了新開的Cafe，又冇諗過食物質素都幾有水準，大家都覺得比心目中預期的好。餐廳係L字形，沙發位都坐得舒服，食完呢餐覺得食物質素都幾好，已經打算下次同一大堆朋友黎，book紅沙發果邊，咁就大家都坐得舒舒服服。我地叫左2個set dinner同2款小食，雖然叫得小食，其實份量都唔細，我同朋友都大食，最後都食清光。先黎套餐既是日餐湯同是日頭盤：雖然係跟餐既湯，質素一D都唔差，一食落口就飲得出好香的青口味，味道明顯不是罐頭湯，是用青口煮製。一路飲的過程感覺到自己係食梗青口咁，但飲哂成碗都見唔到青口的蹤影，喝到底都不會覺得膩。伴口的多士亦十分香脆。跟餐的是日頭盤係caesar salad，沙律菜新鮮爽脆，配合煎了一邊的蝦。店主將兩份套餐的沙律放埋一齊，影相就靚D。第一道小食係「牛油果海蝦釀燒烤菇」($95)第一眼就覺得賣相不錯，牛油果的份量超多呀！！牛油果上面的芝士烤得金黃，又不太「重口味」，唔會遮左其他食材既味，而且中間的伴菜沙律都好新鮮。切開先知原來大蝦隱藏係牛油果同大菇中間，蝦都幾有鮮味，不過係熟左小小有D硬，有爆汁烤菇補返數，一切開好juicy!!菇烤得岩岩好，嫩
又冇諗過食物質素都幾有水準，
大家都覺得比心目中預期的好。
餐廳係L字形，沙發位都坐得舒服，食完呢餐覺得食物質素都幾好，
已經打算下次同一大堆朋友黎，book紅沙發果邊，咁就大家都坐得舒舒服服。
我地叫左2個set dinner同2款小食，
雖然叫得小食，其實份量都唔細，
我同朋友都大食，最後都食清光。
先黎套餐既是日餐湯同是日頭盤：
青口湯
16 views
0 likes
0 comments
一食落口就飲得出好香的青口味，
味道明顯不是罐頭湯，是用青口煮製。
一路飲的過程感覺到自己係食梗青口咁，
但飲哂成碗都見唔到青口的蹤影，
喝到底都不會覺得膩。
伴口的多士亦十分香脆。
大蝦沙律
16 views
0 likes
0 comments
沙律菜新鮮爽脆，配合煎了一邊的蝦。
店主將兩份套餐的沙律放埋一齊，影相就靚D。
第一道小食係「牛油果海蝦釀燒烤菇」($95)
牛油果海蝦釀燒烤菇
$95
24 views
0 likes
0 comments
牛油果的份量超多呀！！
牛油果上面的芝士烤得金黃，又不太「重口味」，唔會遮左其他食材既味，
而且中間的伴菜沙律都好新鮮。
切開先知原來大蝦隱藏係牛油果同大菇中間，蝦都幾有鮮味，不過係熟左小小有D硬，
有爆汁烤菇補返數，一切開好juicy!!
菇烤得岩岩好，嫩滑多汁。
雖然Cafe 價黎講，比一般貴左$10-20，
不過呢個食得出有質素，烤菇同牛油果的份量都唔少，俾多少少錢食好D都值既。
之後黎第二個小食－－小食拼盤 ($118)。
小食拼盤
$118
13 views
0 likes
0 comments
- 薯皮 x2
- 雞翼 x2
- 豬仔骨 x2
- 吉列魷魚圈 x 4
我地食左薯皮先，一舊大一舊細，以為內饀一樣只係size唔同，
原來大果舊係肉醬芝士，同Lasagna的肉餡料係一樣的，但食得多覺得味太濃、太俗。
反而細果舊薯皮係火腿芝士，焗完之後溶哂既芝士同火腿粒混合，咸香咸香同脆脆薯皮好夾。
魷魚圈岩岩炸好，好脆身，配上白醬－自家製芥末mayonnaise調調味就更可口。雞翼又係一大一細，不過兩者的味道係一樣的－都係脆而無味，呢個真係不得不配紅醬－酸甜醬，加醬後似M記食到的泰式雞翼，不過酸甜醬的味道唔係太甜，比其他店食過的甜度還要低，幾欣賞呢個唔太甜的酸甜醬，應該係店家自己調的吧。
魷魚圈配白醬－自家製芥末mayonnaise；雞翼配紅醬－酸甜醬。
豬仔骨我地放到最後先食，可能係因為咁既關係，食果時涼哂而且D肉硬硬地。
之後就黎套餐的主食，
好欣賞Cafe對食物上枱的安排，先黎湯、頭盤、小食，之後先黎主菜，唔會一次過上菜，
咁就避免左D野食放到一枱都係，未食到已經放涼。
香煎銀鱈魚配刁草忌廉汁伴薯菜
$188
11 views
0 likes
0 comments
外皮煎得非常香脆，略為煎得耐左少少，
睇得出D肉開始有乾乾地。
魚肉勉強滲出一絲油香，建議縮短煎煮時間，能保留更多的魚油，亦更嫩滑。
銀鱈魚底下還有茄子等配菜，
焗製過的去皮雞心蕃茄，一咬就溢出蕃茄汁，
薯角都炸得香脆可口，
都幾欣賞呢份小小的用心，配菜上花左小小心思，就令客人食得更開心。
我的套餐主菜是意式千層麵 ($168)
首先我覺得賣點可以改良一下會更美觀，可能在頂層加一顆切半的雞心蕃茄吧。
開頭說其中一個薯皮的內饀跟Lasagna的肉餡一樣，冇錯，因為我食左千層麵而內饀的味真係一樣架，哈哈！
千層麵的味淡口一點，可能是內饀沒有直接烤焗，味道沒有被濃縮。
平時我是不吃火箭菜的，唔鐘意果陣苦澀味，
今次將Lasagna配合火箭菜，冇左火箭菜的苦澀味，同時令Lasagna的味道清新左。
套餐跟咖啡或茶，
而我就選擇左+$20叫左個特飲 (Mocktail)，
同埋+$20 要甜品。
店員推介甜品試試tiramisu，特飲我就叫了Fruit Punch (Mocktail)。
Tiramisu的賣點很好，旁邊更有藍莓、草莓的伴碟，Tiramisu本身的甜度不高，
美中不足的係中間的咖啡酒心蛋糕稍為濕身左少少。
我覺得不到$200的晚飯套餐，有湯、有沙律、有主菜，仲有餐茶，仲要每樣野都唔差，真係值得食。仲發現KS Cafe的菜式除了有精緻的賣相，仲有一些蔬果的配搭，
除左令賣相更美觀，都增添左點點健康氣息。
而且我地都雙雙認為 KS Cafe 給我們的感覺不像是一間Cafe，反而更像一個小型西餐廳。
另外店哄的服務都好恩勤熱心，仲會介紹會道菜式。
所以大家都喜出望外，食飽飽開開心心咁離開。
Post
