Moreish & Malt (鴻圖道) (Closed)

繁忙嘅觀塘工廠區，上班族嘅午餐最緊要快靚正，除此之外原來都可以有好chill嘅地方食個靚午餐。好坐低睇吓有咩好食先。首先會有柔軟麵包配醋汁。蕃茄湯，酸酸地有濃厚蕃茄味。薯蓉，裏面食到薯蓉粒粒，有口感嘅薯蓉，最特別係呢度西餐廳用雞碗裝食物。燒紐西蘭肉眼扒配炸薯條，肉眼扒五成熟燒得唔錯，炸薯條夠香脆。香辣蕃茄汁風乾蕃茄雞肉扁麵，意粉掛得起醬汁，少少辣夠惹味，雞肉份量足夠。飲品叫咗凍檸茶，Strawberry mango tea是日甜品係cheesecake，上面有好靚嘅花紋，不過食落有少少粉，都算夠芝士味。