燒肉LIKE (新都會廣場)

Open Now

Now Closed

今日中午比較得閒，工作唔多，好想食個燒肉獎勵下自己今個星期工作，但又得自己一個人唔想去食牛角，就決定左去葵芳燒肉LIKE食。好彩係12點幾記得燒肉LIKE係 The Gulu係有得拎飛，如果唔係去到先排一定無1個鐘都唔洗食。我點左個3樣肉嘅餐，包括左牛五花，橫隔肉 同埋我最最最喜愛嘅牛舌。牛五花: 今次睇相都睇得出佢牛五花唔算好肥，再之前有次牛五花太肥，成個爐著左火。不過今次油脂味都好香，配飯食係一流。橫隔肉: 3款肉黎講 佢肉味係最濃，不過份量只有4舊，如果想再食要另外再加。牛舌: 無記錯好似有4-6塊左右，份量算唔錯，佢牛舌唔係牛心嘅位，相對食無咁有口感，不過約$100我覺得都可以接受。呢個餐廳可以比人揀埋飯量，好岩女仔食唔多又唔想浪費。再加上有kimchi，當多個小吃都好好。