味口福 (Closed)

收工約朋友食個快飯，平平地，就入去試下~見門口banner都有好多 burger相，咁要試試呢個手打牛肉 + 蜜糖芥末醬肉都算厚，個麵包有烘底，仲搽左牛油有一種兒時味道，好似以前游完水既泳池餐廳，又或者好似學校 canteen既味。肉質唔錯既，同個醬都夾，肉唔算乾，調味也不錯。朋友食呢個鹵水雞翼蛋包飯，個樣幾靚飯裡既茄汁略少，唔夠味，蛋亦較薄，飯粒較硬，感覺上隻米唔多受水。雞翼算入味，略鞋，咁岩呢隻無咩肉，你睇下舊骨幾大食食下，有小強係地下行過，不過街坊地方係咁上下喇，衛生扣 d分。總括，加埋杯凍檸茶都唔過一舊水，唔算難食，但好味又講唔上，性價比合符期望。