Video
Read full review
2023-03-08
2492 views
好耐無約家姐一齊食飯，難得有時間當然要把握時間聚一聚啦~ 去太古城中心接家姐放工之餘順便行街，順道留意附近有咩食，去到誠品閒逛，發現原來誠品內都有多家餐廳，見到重新開的Pick Coffee by Pokka Café ， Pokka Cafe 真係兒時回憶，以前好鍾意食佢啲西餐，見到卡座感覺幾舒服，又位於誠品的一隅，有私隱度，所以就決定係呢度開餐。 食物選擇一如以往係日式西餐，選擇都唔少，最後揀咗： 🥢海鹽粟米 一個好惹味的前菜，粟米烤焗過，依然保持粟米本身的清甜Juicy，加上海鹽及七味粉，辣辣地幾惹味。 🥢紅酒燴牛肉半熟奄列蛋飯 食日式西餐時總喜歡叫佢地既蛋包飯，因為覺得整得好靚之餘又好食，這個都唔例外，蛋帶有蛋香,煎得半熟剛剛好，飯粒粒分明，而紅酒牛肉煮得軟稔入味，配上一起吃很不錯。不過如果係炒飯底我會更開心 🤭 🥢燉煮紅酒牛尾意粉牛尾美肥，燉煮得入味軟稔又充滿膠質，骨與肉之間的膠質美常美味，香而不膩，紅酒醬汁好惹味，而意粉份量頗大，2個人食好足夠。 🍹飲品: 🔸藍山一號 Pokka cafe 自家烘焙的精品咖啡，少數會有自家烘焙咖啡的連鎖餐廳，呢隻藍山一號是自家house
去太古城中心接家姐放工之餘順便行街，順道留意附近有咩食，去到誠品閒逛，發現原來誠品內都有多家餐廳，見到重新開的Pick Coffee by Pokka Café ， Pokka Cafe 真係兒時回憶，以前好鍾意食佢啲西餐，見到卡座感覺幾舒服，又位於誠品的一隅，有私隱度，所以就決定係呢度開餐。
食物選擇一如以往係日式西餐，選擇都唔少，最後揀咗：
🥢海鹽粟米
一個好惹味的前菜，粟米烤焗過，依然保持粟米本身的清甜Juicy，加上海鹽及七味粉，辣辣地幾惹味。
🥢紅酒燴牛肉半熟奄列蛋飯
食日式西餐時總喜歡叫佢地既蛋包飯，因為覺得整得好靚之餘又好食，這個都唔例外，蛋帶有蛋香,煎得半熟剛剛好，飯粒粒分明，而紅酒牛肉煮得軟稔入味，配上一起吃很不錯。不過如果係炒飯底我會更開心 🤭
🥢燉煮紅酒牛尾意粉
牛尾美肥，燉煮得入味軟稔又充滿膠質，骨與肉之間的膠質美常美味，香而不膩，紅酒醬汁好惹味，而意粉份量頗大，2個人食好足夠。
🍹飲品:
🔸藍山一號
Pokka cafe 自家烘焙的精品咖啡，少數會有自家烘焙咖啡的連鎖餐廳，呢隻藍山一號是自家house blend，啱晒鍾意飲咖啡的家姐，家姐表示此豆味道香醇，甘甜帶有果仁、花香味，齋飲都好好飲❤️
🔸菠蘿膠原蛋白特飲
見到有膠原蛋白飲品咁特別，愛美既我當然叫黎試吓啦，叫咗菠蘿膠原蛋白黎試，菠蘿味道清新，好fresh，入邊有菠蘿果肉同膠原蛋白jelly，好似啫喱咁甜甜地，食落都幾好味，又有膠原蛋白，正呀😋
🍦甜品：
🔸抹茶Tiramisu 新地
飯後當然要食甜品啦，一早睇中佢地既新地, 因為實在太靚啦, 心大心細就揀咗抹茶tiramisu 新地啦。抹茶味雪糕香濃，有淡淡甘味，配上抹茶cream 及紅豆一齊食係perfect match，好美滿的一餐🫶🏻
Post
